Байгаль орчин, газрын харилцаа

Бүрэгхангай сумын Бумбат багийн Цагаан үзүүрт Хишиг-Өндөр сумтай хил залгаа нутаг дэвсгэрийн хилийн цэсийн асуудлаар ажлын хэсэг газар дээр нь ажиллалаа.
Бүрэгхангай сумын Засаг даргын орлогч Э.Гэрэлт-Эрдэнээр ахлуулсан ажлын хэсэг тухайн газарт ажиллаж, нөхцөл байдалтай танилцан, холбогдох иргэдийн санал хүсэлтийг сонсож, хилийн цэсийн маргаантай асуудлыг хэлэлцэн шийдвэрлэлээ.

Сумын төвийн төвлөрсөн хогийн цэгийн хог хаягдлыг цэгцлэх, орчны бохирдлыг бууруулах зорилгоор “Уулс Ноён” ХХК-тай хамтран хогийг түрж, цэгцлэх ажил явагдаж байна.
Иймд иргэд та бүхэн хог хаягдлаа зориулалтын дагуу ухсан нүхэнд хийж, ил задгай хаяхгүй байхыг хүсье.

Иргэдийн өвөлжилтийн бэлтгэлийг хангах зорилгоор сумын хэмжээнд дараах 2 нөхөрлөл мод бэлтгэл, худалдаалалтын үйл ажиллагаа явуулж байна.
🌲 “АСГАТ УЛААН” НӨХӨРЛӨЛ
📍 Бумбат багийн Хуст бэлчир гэх газарт
🌲 “БОДЬ ЯМААТ” НӨХӨРЛӨЛ
📍 Ногоон морьтын аманд үйл ажиллагаа явуулж байна.
💰 МОДНЫ ҮНЭ:
• 1 метр куб мод – 42,000 төгрөг
• 1 метр куб модны гоожин – 5,920 төгрөг
• Портер модны гоожин – 35,920 төгрөг
• Нөхөрлөлөөс мод авах үнэ – 250,000 төгрөг
📌 ГОOЖИН АВАХ ТАЛААР
Иргэд мод бэлтгэхдээ гоожинг сумын Засаг даргын Тамгын газраас авна.
⚠️ АНХААРУУЛГА
❗ Зөвхөн дээрх 2 нөхөрлөлөөс мод бэлтгэх бөгөөд нөхөрлөлөөс өөр газраас мод бэлтгэхийг хориглоно.
Иргэд та бүхэн мод бэлтгэхдээ холбогдох журам, зөвшөөрлийн шаардлагыг мөрдөж, ой модоо хайрлан хамгаалж, зохистой ашиглана уу.
🌿 ОЙ МОДОО ХАЙРЛАН ХАМГААЛЖ, ЗОХИСТОЙ АШИГЛАЯ

Сургуулийн шинэ жил эхлэхтэй холбогдуулан Бүрэгхангай сумын хэмжээнд “ИХ ЦЭВЭРЛЭГЭЭ ХИЙЦГЭЭЕ” аяныг зохион байгуулж байна.

🌱 “ЦЭВЭР ОРЧИН – ЭРҮҮЛ ИРЭЭДҮЙ”

Хайртай сумынхаа орчны бохирдлыг бууруулж, хүүхэд багачуудынхаа эрүүл, аюулгүй орчинд суралцах нөхцөлийг бүрдүүлэхийн тулд байгууллага, аж ахуйн нэгж, айл өрх бүр өөрт хуваарилагдсан талбайн их цэвэрлэгээндээ идэвхтэй оролцоно уу.

📅 Цэвэрлэгээний өдөр: 2026 оны 08 дугаар сарын 28, 29-ний өдөр

🤝 БАЙГУУЛЛАГА БҮР ИДЭВХТЭЙ ОРОЛЦОЦГООЁ!
🌿 ХОГОО АНГИЛЖ, ЦЭВЭРЛЭЦГЭЭЕ!
♻️ ЦЭВЭР ОРЧИН БҮГДИЙН ХАМТЫН ХҮЧЭЭР БҮРДЭНЭ!

✨ Цэвэрхэн орчин — эрүүл ирээдүй.
✨ Хамтдаа цэвэрч, ухамсартай, хариуцлагатай байцгаая!

БҮРЭГХАНГАЙ СУМЫН ЗАСАГ ДАРГЫН ТАМГЫН ГАЗАР

Цахт багийн Цахтын эх, Олон толгод, Эрдэнэ уулын ар гэх газруудад 2026 оны 5 дугаар сарын 26–27-ны өдрүүдэд сэг зэмийн устгал хийв.
Тус ажлыг багийн дарга Г.Наранзул, МЭХУБ М.Намжилдорж, байгаль хамгаалагч М.Цаст, БИНХ-ын дарга П.Мөнхтөмөр, малын эмч Р.Баасандорж болон малчдын төлөөллөөс бүрдсэн ажлын хэсэг гүйцэтгэн ажиллав.
Уг ажлыг Баян Нэргүй алт нөхөрлөлтэй хамтран зохион байгуулсан.

Байгаль хамгаалах сангийн 2.1 сая төгрөгийн хөрөнгө оруулалтаар Бүрэгхангай сумын 2 дугаар хорооны худаг, 1 дүгээр хорооны дунд болон хойд худаг, мөн Шавартын давааны арын худгийг тус тус засварлан, бүрэн ашиглалтад орууллаа.
Иргэд та бүхнийг нийтийн эзэмшлийн эд хөрөнгө, усны эх үүсвэрээ хайрлан хамгаалж, худгийг ариг гамтай, цэвэр цэмцгэр ашиглахыг уриалж байна.

Сумын төвлөрсөн хогийн цэгт хуримтлагдсан хог хаягдлыг “Улаан гацаа” нөхөрлөлтэй хамтран түрж цэвэрлэх ажлыг зохион байгууллаа.
Иргэд та бүхнийг хог хаягдлаа ухсан нүх рүү хийж, ил задгай асгахгүй байхыг уриалж байна.

Цахт багийн өвөр хэсэгт хорогдсон малын сэг зэм болон хог хаягдлыг цэвэрлэн цуглуулах ажлыг зохион байгуулан ажиллаж байна.
Цэвэрлэгээний ажлын хүрээнд малчид хорогдсон малын сэг зэмийг тогтоосон цэгүүдэд төвлөрүүлэн бөөгнүүлсэн бөгөөд түрж булшлах 3 байршлыг бэлтгэсэн байна.
Тус ажлыг багийн дарга Г.Наранзул, МЭХУБ М.Намжилдорж, байгаль хамгаалагч М.Цаст нарын бүрэлдэхүүнтэй ажлын хэсэг гүйцэтгэн ажиллаж, өвөр хэсгийн хорогдсон малын сэг зэмийг бүрэн цуглууллаа.
Ажлын хэсэг маргааш өглөө арын голын чиглэлд үргэлжлүүлэн ажиллана.

Дэрст багийн нутаг дэвсгэрт хорогдсон малын сэг зэмийг цэвэрлэн устгах ажлыг зохион байгуулан ажиллаж байна.
Ажлын хэсэгт багийн дарга Э.Мөнх-Эрдэнэ, тархвар зүйч М.Орших, малын эмч Ч.Ууганбаяр, Дэрст багийн малчин А.Лундаа нар ажиллаж байна.
Ажлын хүрээнд Тахилт, Жаж, Бүргэдийн ар, Холчийн хөндий чиглэлийн газруудаар ажилласан бөгөөд маргааш Совын ар, Өвөр тээл чиглэлд үргэлжлүүлэн ажиллана.
Цуглуулсан сэг зэмийг Хүдэрийн уурхайн карьер болон сумын төвийн хогийн цэгт булж устгал хийлээ.

Газар эзэмших эрхийн дуудлага худалдаа 2026 оны 06 дугаар сарын 08-ны өдрийн 10:00 цагт газрын биржийн Mle.mn цахим системээр цахим хэлбэрээр зохион байгуулагдана.
📞 Холбоо барих утас: 88759209