Цаг үеийн мэдээ

Шаддүвдаржаалин хийдэд хурал ном айлдаж, тахилга хурж байна. Сүсэгтэн олон та бүхэн морилон ирж, буян хишгээ хүртэн даган баясана уу.

Бүрэгхангай сумын Иргэдийн Төлөөлөгчдийн Хурал, Засаг даргын Тамгын газраас зохион байгуулж буй хурал ном, тахилгын арга хэмжээ 2026 оны 05 дугаар сарын 29-ний өдөр болно.
🕖 07:00 цагт
“ИХ ДУЛААН” ХАЙРХАНЫ ТАХИЛГА
🕚 11:00 цагт
БАЛДАН ЛХАМЫН ТАХИЛГА,
ЧОЙЖОО ДҮГЖҮВ ХУРАЛ
Сүсэгтэн олон та бүхэн хурал номд морилон ирж, буяныг хураан даган баясана уу.

Монгол Улсын Их Хурлын гишүүн, Засгийн газрын гишүүн, Батлан хамгаалахын сайд Дамбын Батлут-ын Булган аймгийн Бүрэгхангай сумын иргэдтэй хийхээр товлогдсон уулзалт тодорхойгүй хугацаагаар хойшилсныг мэдэгдэж байна.

Уулзалтын товыг дахин мэдээлэх хүртэл иргэд та бүхнийг хүлээцтэй хандахыг хүсье.

УИХ-ын гишүүн, Засгийн газрын гишүүн, Батлан хамгаалахын сайд Дамбын Батлут Булган аймгийн Бүрэгхангай сумын иргэдтэй уулзалт хийнэ.
🗓 2026 оны 5 сарын 20
🕒 15:00 цагт
📍 Спорт зааланд
Иргэд та бүхнийг хүрэлцэн ирж, санал хүсэлтээ солилцохыг урьж байна.

4-р хорооны худагт бүрэн засвар хийж, хэвийн ажиллагаанд орууллаа.
Мөн 1-р хорооны хойд шинэ худагт усан сан байршуулж, ашиглалтад өглөө.
2, 3-р хорооны худгийн цахим радиатор шатсан тул Улаанбаатар хот руу засварлуулахаар хүргүүлсэн.
Нийт худгуудын засвар, үйлчилгээг “Баялаг Говь” ХХК-ийн засварын баг Улаанбаатар хотоос ирж хийж гүйцэтгэлээ.
Байгаль хамгаалах сангийн 2,8 сая төгрөгийн хөрөнгөөр урсгал засвар хийгдлээ.
👉 Иргэд та бүхэн нийтийн эзэмшлийн худгийг ариг гамтай, зөв зохистой ашиглаж, эвдрэл гэмтлээс урьдчилан сэргийлэхэд хамтран ажиллана уу.

Бүрэгхангай сумын төрийн байгууллагууд 2026 оны 06 дугаар сарын 02-ны өдрөөс эхлэн дараах цагийн хуваариар ажиллана.
🕗 Ажлын цаг:
08:00 – 17:00
☕ Цайны цаг:
12:00 – 13:00
Иргэд, олон нийт та бүхэн төрийн үйлчилгээ авахдаа дээрх цагийн хуваарийг мөрдөн үйлчлүүлнэ үү.

Эрүүл, ногоон ирээдүйн төлөө хүн бүрийн оролцоо чухал. Та бүхнийг “Мод тарих үндэсний өдөр”-ийн арга хэмжээнд идэвхтэй оролцож, эх дэлхийдээ үнэт хувь нэмэр оруулахыг урьж байна.
🌿 Өнөөдөр тарьсан нэг мод маргаашийн цэвэр агаар, ногоон орчны эхлэл болно.
Монгол Улсын “Тэрбум мод” үндэсний хөдөлгөөний хүрээнд:
✅ Иргэдэд мод үнэгүй олгоно
✅ Орчны тохижилт, ногоон байгууламжийг нэмэгдүүлнэ
🌳 Тараах модны төрөл:
• Агч
• Хайлаас
📍 Хугацаа: 2026.05.15 хүртэл
📞 Холбоо барих: 80191663
🌏 Ногоон ирээдүйн төлөө хамтдаа мод тарья

2026 оны 05 дугаар сарын 04-ний өдрийн 14:00 цагт Бүрэгхангай сумын Засаг даргын Тамгын газрын Иргэний танхимд иргэдэд зориулсан “Хуульчийн Про Боно-2026” өдөрлөг зохион байгуулагдана. Өдөрлөгийн үеэр иргэдэд хууль, эрх зүйн үнэ төлбөргүй зөвлөгөө, мэдээлэл өгч, өдөр тутмын амьдралд тулгамдаж буй асуудлаар мэргэжлийн хуульчдаас зөвлөгөө авах боломжийг олгоно.
Иргэд та бүхнийг идэвхтэй оролцохыг урьж байна.

5-р хорооны ахмад настнууд хамтран хорооныхоо хогийг цэвэрлэлээ. Идэвхтэй оролцсон ахмад настнууд болон энэхүү ажлыг санаачлан зохион байгуулсан Д.Оюунгэрэлд талархал илэрхийлье.

Булган аймгийн хэмжээнд хэрэгжиж буй “Хуульчийн Про-Боно 2026” өдөрлөг 2026 оны 05 дугаар сарын 04-ний өдөр Бүрэгхангай суманд амжилттай зохион байгуулагдлаа.
⚖️ Өдөрлөгийн хүрээнд төрийн албан хаагчдад сургалт, хууль, эрх зүйн зөвлөгөө өгч, мэдлэг, мэдээллийг дээшлүүлэх арга хэмжээ зохион байгууллаа.
🎓 Мөн ерөнхий боловсролын сургуулийн сурагчдад үе тэнгийн дээрэлхэлтээс урьдчилан сэргийлэх чиглэлээр сургалт зохион байгуулж, холбогдох мэдлэг олголоо.
🐎 Түүнчлэн Хилийн цэргийн 0286 дугаар ангийн алба хаагчдад Бүрэгхангай сумын Дэрст 3-р багийн иргэн Т.Төмөр-Очир, Дархан 4-р багийн иргэн Г.Баттөмөр нар агт бэлэглэлээ.
🎭 Оройн 19:00 цагт Наадмын талбайд Хилийн цэргийн 0286 дугаар ангийн алба хаагчид урлагийн тоглолт зохион байгууллаа.