Соёл урлаг, спорт
"Харгалын хүчтэн" бөхийн барилдаанд Бүрэгхангай сум тавдугаар байранд шалгарлаа
"Харгалын хүчтэн" бөхийн холбооны нэрэмжит өсвөр үеийн аварга шалгаруулах Арванхоёрдугаар сарын барилдаан амжилттай болж өндөрлөлөө. Тус тэмцээнд 15 сумын 130 хүүхэд зургаан насны ангиллаар хурд, хүч авхаалж самбаагаа сорин барилдлаа.
6-7 насны ангилалд Бүрэгхангай сумын ЕБС-ийн 1-р ангийн сурагч Өрнөхбаярын Одбаяр 17 даван түрүүлж, 12-13 насны ангилалд Бүрэгхангай сумын ЕБС-ийн сурагч Отгонбаатарын Цогтбаатар шагналт 6-р байранд шалгарлаа. Мөн 16-17 насны өсвөрийн бөхчүүдээс "Уран Гараа Дэвээ" шагналын эзнээр Азжаргалын Түвшинжаргал нар тус тус шагнагдлаа.
Бүрэгхангай сумын бөхийн дасгалжуулагч багш Зол-Эрдэнийн удирдлага дор 18 хүүхэд тус барилдаанд барилдаж, багийн нийлбэр дүнгээр ТАВДУГААР байранд шалгарлаа.
Эцэг эхчүүд, дасгалжуулагч багш болон өсвөрийн бөхчүүддээ талархал илэрхийлж, спортын өндөр амжилт хүсэн ерөөе.
Сэтгэгдэл үлдээх